Марапаттау рәсімі

12 ақпан күні №3 ЖОББ мектебінде «Жарқын болашақ» және «Мен – экоблогер» аудандық байқаулары мен олимпиадаларының жүлдегерлерін марапаттау рәсімі өтті. 

Бұл күні №7 ЖОББ мектеп абыройын аудандық деңгейде жоғары дәрежеде қорғаған талантты, білімді, белсенді оқушылар құрметке ие болды. Олардың жетістігі – тынымсыз еңбектің, табандылықтың және білімге деген құштарлықтың нәтижесі.

«Жарқын болашақ» байқауы оқушылардың зияткерлік және шығармашылық қабілеттерін шыңдауға мүмкіндік берсе, «Я – экоблогер» жобасы жас ұрпақтың қоршаған ортаға деген жауапкершілігін арттырып, экологиялық мәдениетті насихаттауға жол ашты.

Жүлдегерлерімізді шын жүректен құттықтаймыз! Алдағы уақытта да биік белестерді бағындырып, жаңа жетістіктерге жете берулеріңізге тілектеспіз!