Көрме

Оқу мектебі бойынша жоба аясында кітапханада А.Кастеевтің туғанына 120 жыл толуына орай фотокөрме дайындалды. Бұл Алматы облысының Жаркент ауданында дүниеге келген алғашқы кәсіби қазақ суретшісі ((1904-1973 жж.). Ол қазақ бейнелеу өнерінің негізін қалаған ұлттық көркемөнер шеберлерінің бірегей тұлғасы. Графикалық суретші ретінде де белгілі. Қазақстанның Халық суретшісі, еңбек сіңірген өнер қайраткері Ә.Қастеев Алматыда Н. Хлудовтан сурет өнері бойынша алғашқы білім алды. Кейінірек Мәскеуде И. Бродскийдің өнер студиясында оқыған дарынды қылқалам шебері өзінің туа біткен қабілеттерін дербес жетілдіріп, өнердегі көрнекті тұлғалардың біріне айналды.