Көңілді старт
Текст
"Ақмола облысы білім басқармасының Атбасар ауданы бойынша білім бөлімі Атбасар қаласының №7 жалпы орта білім беретін мектебі" КММ
КГУ “Общеобразовательная школа №7 города Атбасар отдела образования по Атбасарскому району управления образования Акмолинской области”
Спорттық жарыстар
“Біз нашақорлыққа қарсымыз!” атты спорттық жарыстар өтті
Салауатты өмір салтын насихаттау және жасөспірімдер арасында зиянды әдеттердің алдын алу мақсатында аула клубының ұйымдастыруымен “Біз нашақорлыққа қарсымыз!” атты спорттық жарыстар өткізілді.
Іс-шараның негізгі мақсаты – оқушылардың бойында нашақорлыққа қарсы тұрақты көзқарас қалыптастыру, зиянды әдеттерден аулақ болуға тәрбиелеу және спортқа деген қызығушылықтарын арттыру болып табылады. Сонымен қатар, балаларды белсенді өмір салтына баулу және бос уақыттарын тиімді өткізуге бағыт беру көзделді.
Жарыс барысында қатысушылар әртүрлі спорттық ойындарда өз күштерін сынап, ептілік, жылдамдық және ұйымшылдықтарын көрсетті. Оқушылар жоғары белсенділік танытып, бір-біріне қолдау көрсетіп, командалық рухтың мықтылығын дәлелдеді.
Шара соңында жеңімпаз командалар марапатталып, барлық қатысушыларға алғыс білдірілді. Мұндай іс-шаралар жасөспірімдердің салауатты өмір салтын ұстануына, спортқа қызығушылығын арттыруға және жаман әдеттерден бойын аулақ ұстауға үлкен ықпал етеді.
Аула клубы алдағы уақытта да осындай тәрбиелік мәні зор, пайдалы іс-шараларды тұрақты түрде ұйымдастыруды жалғастырады.
